روايه الحب في الجمس

ااااااه ااااااااااااااه اااااااااااااااااااااااااااااااااااااه اااااااااااااااااااااااااااااااااااااااااه ااااااااااااااااااااااااااااااااااااااااااااااااااااااااااااااااه


لاااا تلووومووني عناااء الطريق حسبي على ابليسك 41 باااارت من جد اسرفتي فينااا مع اني ماااقريتهاا ومستحيل اقرااهااا<<محد طلبك مسووي مهم خخ

لكن كل شي يجي منك حلوووو ومااا قصررتي وتنحسب لك والله يعين اللي قرااهاا من جد اتشاااااو

لا ماشفت شي باقي اربع بارتات انشاء الله انزلها الان
شكرا على المرور

البـــــــارت الثاني والاربعون

طاح فهد

ام فهد وهي تتقدم منه:يمه وليدي وش فيك

فهد:يمــــه بموت

غاب صوته وراح عن الدنيا للمده مؤقته

مروان توه داخل:وين فه..... ركض بسرعه وسحب فهد من بين يدين امه هزه بس لامجيب

ندى تبكي من الموقف طلعت من الصاله راحت للغرفتها

نهى ووسكتت وجلست مده تفكر نست فهد اللي شاله مروان وخلف الله وورحو للمستشفى سكتت وصارت تناظر بلاهدف تنتظر ايش معقول يصير حست برجلها تنمل وقفت تحركها شوي رن النلفون

نهى بصوت مبحوح يكبت رده فعلها:ألو

نسايم:هلا نهى كيفك

نهى:بخير

نسايم:وش في صوتك

نهى:تـعبانه

نسايم: اكيد جالسه عند المكيف

نهى:اقولك تعبانه مع السلامه وسكرت بووجها السماعه

بالمستشفى ام فهد تصيح وتدعي ربها

مروان:يمه خلاص لاتصيحين كتبت ربي هذي

ام فهد:انا ادري وش صار فيه طلع ودخل وطاح علينا بعد بكره ملكته ياعيني مدري وش فيه

مروان عرف هنا ان امه ماتدري خذها وجلسها على الكرسي ومسك يدها

مروان:يمه انتي تعرفين قضاء الله وقدره ومؤمنه فيه والوا...

ام فهد:وش صاير خرعت قلبي

مروان تنهد مايحب يكون بموقف محرج:يمه رنا خطيبه فهد توفت اليوم

ام فهد شهقت وشالت الممر بالمستشفى وزاد بكيها على ولدها وعلى خطيبته

طلع الدكتور مروان راح له

مروان:طمنا دكتور

الدكتور:والله انهيار عصبي

مروان:لاحول ولا قوه الا بالله طيب كيفه الحينن

الدكتور:الحمدالله بس يحتاج يجلس عندنا

صحى فهد من الانهيار ولا تكلم مع احد حضر ثلاث ايام العزى كانت تشبه الموت يهنونه على فراق خطيبته ماتكلم مع احد واجوبته دايم مختصره ونسايم حالتها حاله من بين اخوها وزوجها وحملها والفراق صديقه العمر بعد هاكلام بسبوع سلمان لما عرف قطع اجازته ورجع

سلمان اول ماراح دخل عند فهد بالغرفه

سلمان:عظم الله اجرك

فهد صد بعيونه اجرنا واجرك

سلمان:كان وده يتكلم ويتحرك يسوي اي شي يهون على فهد بس ماعرف طلع وخلاه

دخل من بعده مروان ومعه الغدا

مروان:احلى غدا للاحلى فهود


فهد ابتسم:مشكور بس مابي اكل

مروان: تبي تموت من متى ماكليت شي

فهد:ايه ابي اموت

وفاجاءه مروان:تبي تموت بس مت احد ماسكك اذا هذا اللي تبيه

فهد:انت وش بيفهمك بزر ولاتعرف شي بدنيا تقولي مت

مروان ماعجبه طواله السيره: اي بزر كلامك هذا اهانه لهاشنب واذا تبي تموت مت محد بيردك غير ربي انت تقول ابي اموت مو هاذي رغبتك مت ربي بيحاسبك مو انا

فهد كان يتوقع يواسيه او يخفف عنه ماتوقع رده يجي باسلوب غريب

طلع عنه مروان وجلس يفكر وقرر انه ياخذ دوامين عشان يلهى

بعد شهر من الاحداث

***

اول ايام رمضان الفطور عند الجده مجتمعبين

فهده:نهوي شو بكي

نهى: اوف بكره عندي موعد

فهده:واذا

نهى:ثقيل الدم من صار مروان يجي معي يتعاونون وخذي تريقه

فهده:هههههههههههه خليهم

نهى :انتي بذات تسكتين اجل ياويلك من ربي مشخبطه على الجبس والله تمنيت الارض تنشق وتبلعني ولا ساره مدري وش كاتبه اه بس

العنود: فتيات ترى الدنيا افطرت ولا عاجبكم الصيام

فهده:والله ماحسينا

بدى الروتين الرمضاني من بعد الفطور طاش ماطاش وبعد التراويح الدنيا مجتمعين ويسولفون

الجده:قولو امين

الجميع بشكل متفرق :امين

الجده:جعل ماتجي السنه الجايه الاكل ولده على يده

فهد سمع الطاري وطلع وسط انظارهم

ابوفهد:الله يهديك يمه كان ماتكلمتي

الجده:والله مقطع قلبي عليه نسيت شسوي

ام عبدالعزيز:وش اخباره

ام فهد:الحمدالله على كل حال والله ذبل وابتسماته اختفت مدري شسوي له

ام عبدالعزيز:مسأله وقت

ام فهد:ان شالله

مروان:نسايم السنه الجايه اثنين واحد بيدك واحد ماسكته وهذا خلاص مابقي شي بتولدين

نسايم:ارتاعت:بسم الله تبيني اولد ورى بعض خلي هذا يطلع مجنني بس يرافس

نايف:صادق مروان اثنين

نسايم:انهبلتو الظاهر

نايف:ههههههههههههه ارتاعت من جدها

مروان:ههههههههههههههههاي معلومه الحوامل مخفات

نسايم:والله لاقوم اوريك شغلك

مرونا:لأالا سكتنا

فهده:نهى عندي راي

نهى:قولي

فهده:بجي معك للمستشففى بكره

نهى:فكره بس خالتي حنان

فهده:مابقولها بجيكم بعدين نروح واقولها انك طلبتني

نهى:اه ياسوسه

فهده:افا تربيتك

العنود:بنااااااااااات تعالو للصاله تكفون عند التلفزيون

رهف:قومي تعبدي جعلك منيب قايله

العنود:ورىماتقومين انتي بس جيده علي

رهف: افحمتيني يابنت عمتي

وشوي اتصل احمد على العنود طلعت وحقرتهم

لطيفه:ندى تعالي اجلسي جنبي اسولفك معك

ندى:ان شالله

لطيفه تسولف وندى ماتسمع نواف كان قبالها ويسوي حركات عشان تضحك وهي ساكته بنهايه ارسل بوسه بالهوى

ندى:هههههههه

لطيفه:وش فيك يامي اقولك مصخنه تضحكين

ندى:لالا ماكنت اقصد كملي مسكينه

بدت الجواء الرمضانيه يوم الاثنين الموافق 20-9

قبل العشر الاواخر رن تلفون البيت

كان مروان :جنبه

مروان:هلا وغلا ومسهلا باللي متصل من ماكان يكون

نايف:ههههههههه المتصل الحين صار ابو عيال اختك المصونه ولدت

مروان:قل والله

نايف:واللله....وانا مصدقك احلف بكذب يعني

مروان:اجل باي بروح اجمع بشارات خلنا نستفيد من وراكم شوي


انتشر الخبر وكل الناس فرح وباركو

بالمستشفى اول الواصلين فهد وامه اللي جا عن طلب امه

ام فهد:الحمدالله عسلامه ولو اني زعلانه

نسايم:الله يسلمك بس ليش زعلانه

ام فهد:الحين ليش ماتصلتي علي

نسايم:ماله داعي ولدت وخلاص

فهد:الحمدالله على سلامتك

نسايم:الله يسلمك

ام فهد:شالت بنت نسايم وتلعبها

نسايم لاحظت شروده من الجو

نسايم:فهد ماتبي تشوف رنا

فهد رفع عينه وركز عليها وبعدها سكت قام وشالها من عند امه

نايف:السلام عليكم

ام فهد:وعليكم السلام مبروك ماجابت يمه

نايف:الله يبارك فيك

ام فهد:والله هالرنو تجنن طالعه على امها

نايف:وانا اشهد

جا الكل وسلمو على نسايم وجلسو عندها

نهى:صرت خاله

فهده:عقبال ماصير عمه

نهى:ان شالله

فهده:ايه عمه وخاله بنفس الوقت

نهى توها تنتبه للمقصد فهده مسكت العكاز وضربتها على خفيف ا:يمه منك ماتمسكين على الواحد زله

****************
ثالث ايام العيد

ابو عبدالعزيز فاتح رهف بموضوع فارس اللي ياما تاجل ياما حلمت بهاللحظه ويا تمنتها بس ماتدري ليش هي خايفه بعد مده وافقت تحدد الزواج بعد شهرين لان فارس مستعجل على البعثه يوم زواج فارس ورهف يمكن تستغربون بس زواجهم كان كله من تصميم فارس ورهف ماعليها من شي بس فستان زواجها وكان هذا راي فارس

ملكو وبنفس اليوم الزواج جت ام فارس وشمه وحصه ومرت خالهم وشمه كانت جايه وهي حامل

سلمو عليهم والبنات نزلو يشوفون القاعه وتجهيزات

فهده:اتوقع كذا انه بيحط هذيك الخشبه اللي فوقها حمام اللي بالافلام وبدال القس حقهم يحطون امي ساره
نهى:الله يرجك يابنت لا مو كذا اتوقع بتكون كلها ورود بيضا

فتحو باب القاعه وانبهرو لنا فارس كان مسوي شي غير عن العاده بالمدخل كان حاط رسمه له وللرهف كبيره جدا وتحتهاطاوله وعليها شراشف و وفوقها دفتر ابيض كبير وعلى الغلام صوره رهف وهي صغيره طبعا من رسم فارس دخلو تقدمو كل شي احلى من الثاني اما الكوشه كانت حكايه لوحدها

كانت احجام مختلف من مرتكزات الرسم وعليها صورت رهف بكل الاحجام صورتها وعمرها 8 سنين الصوره اللي ياما كانت صمام الصبر له وكان فيه صور موجوده له بنفس الشي احجام مختلفه وبعضها معلق بالجدار

مر الوقت ورهف تحس انها متوتره لانها ماقد تعايشت معه من قبل ومافي فتره ملكه تمهد الطريق وكانت تتوقع ايش بيصير اللقاء بعد التعارف اللي بصدفه بيكون صعب عليها



+++++++++++++++++++++++++++++++
عندالشباب

مروان:أقول شباب كوكو جا ولاعد شفته

مشعل:بقولكم وبتضحك قاعد مع خالك طلال وساجين

مروان:÷ذولي طينه وحده يمشون مع بعض

رامي:ابي افهم خالك اكبر منك بسنتين بس ليش انت وياه مو متفاهمين

مروان:سفراته كثيره ومشاكله اكثر وحالته صعبه ومدري كيف يفكر خله لكوكو بس

مشعل:شباب قومو نيول

رامي:ماعرف خاف اخذ بندق واشوته اسبب عاهه لاحد

مشعل:نجرب ياحليله فارس جايهم وحاطهم بالخيمه ومخلي الملتزمين جوى

طلعو وجربو التيويل

++++++++


وقت الزفه واللي وتر رهف زياده ماتعرف ايش بتنزف عليه

انفتحت الابواب وطلعت رهف وسمعت صوت موسيقى هاديه كانت مقطوعه موسيقيه قديمه بعدها تدرج الصوت الا ان وصل الا اغنيه من غناء عبدالعزيز اخوها تفاجئت وابتسمت وكملت طريقها لما جا يدخل فارس دخل معهةجده وابوها وعبداالعزيز ومشعل يوم سلم عليها لبسها طقم الزواج وهذي عاده موعند السعوديين او النجدين بالاخصيه عاده اماراتيه نوعا ما وهدوء وبعد ثواني اشتغلت اغنيه يسالوني ليه احبك

رهف كانت كطايره من الوناسه مو مصدقه نفسها كل هذا يصير عشانها ماتوقعته يكون ذوق لهدرجه


ندى:يختي ماشالله هالعصافير يجنون

العنود:ايه والله

ندى:ياختي هذا الحب شوفي كيف مجهز الزواج مو اخوك هاللي كل ماقلت له شي قال حريم ماعلي منكم

العنود:ايه والله وبعدين اخوي خايس برياض نجدي ميه بالميه وهذا ماطب الرياض الا من شهور لذلك السكوووت يامره

ندى:وش هذي يامره

العنود:كلمه وش يعني

ندى:الله يالصعيديه مايلبق

العنود:اسكتي نواف مسوي حرب بالبيت يبي يستعجل بزواج

ندى:وش يستعجل بعد اسبوعين وش يبي

العنود:الله لا يلومه 4 شهورا ينتظر اختك تولد

ندى:زين خلاص خلاص

كملت مراسيم الحفل وام فارس كانت شويه عليها كلمةفرحانه

نهى:تمورو بيفكون الجبس

فهده:خليه للذكرى ياويلك ان كبيتيه

نهى:والله لاكبه وش اخليه له

فهده:ذكرى


نهى:اقول انقلعي ياحبك لتجميع الاشياء الفاضيه

**********

بعد اسبوع

ندى:يمه كيف يعني تبيني ماروح

ام فهد:لا مو ماتروحين بس يعني اثقلي شوي

ندى بعناد:منيب وبسوي اللي ابي هذي اخر ايام العزوبيه

ام فهد:الحمدالله انهبلتي

مروان:قديمه يمه.....الا خالي طلال وينه

فهد ابتسم ولاوال مره من شهرين ونصف:طلع مع كوكو

مروان:احلف والله ربي سخرهم للبعض

رن التلفون

ندى:هلا

حمد:هاي

ندى:وعليكم الهاي

حمد:اقول ايكثر بس فهود عندك

ندى:فهد تعال كلم حمد يبيك

حمد:الو

فهد:هلا

حمد: وش رايك بطلعه بر من اللي يحبها قلبك من دون الشوائب الاجتماعيه

فهد:مب شينهة بس وشي الشوائب الاجتماعيه

حمد:الحريم نروح ونريح وناخذ راحتناا


فهد:اوكي تم متى

حمد:الفجر بنطلع وعلى فكره ترى احمد بيجي معنا

فهد:من احمد

حمد:زوج العنود

فهد:اها طيب

+++++++++++++++

فهده:اوريه الخاين

نهى:هدي اعصابك

فهده:يطلعون البر والجو يجنن كيف تبيني اسكت وحميدان اقوله وش فيك مانمت يقول ماجاني نوم وهو جالس يحمل


بالبر

نواف:ياشباب هذي اخر طلعه معكم وانا مو متزوج ان شالله المره الجايه مع عيالي

نايف:تبطي انت وش تحسب البزران

احمد:تكلم ابو رنا عنده خبره

نايف:اذا جاه حراره ولا تصخن ولا خلني ساكت بس

حمد:سؤال لك يانواف

نواف:اسئل

حمد:ليش حاط زواجك برد اجله للصيفيه

نواف خذى بيال وشاته فيها:واحد يبيني انتظر حرمته والثاني يبيها صيف ماعلي بتزوج واللي فيها فيها

عبدالعزيز: والله ماخذها الافارس نايم بالعسل

حمد:ايه والله وانا عمري 23 سنه ماتزوجت وهو ابو 22 مخلص

عبدالعزيز:لانه شاطر مثلك يعتذر ويحمل مواد

حمد:افا فشله خلاص سكتنا

رن جوال سلمان

سلمان:هلا

الجده:اي ياقليل الاصل

سلمان:افا ليش

الجده:تطلعون للبر وانا مو معكم والله ان نفسي هافه على البر

سلمان:خلاص ذا جينا ان شالله طلعناك

الجده:بنتظرك بلاني بكره بجيكم الله يعافي حمد مايخلي شي بخاطري بجيكم وبجيب مشاعل وساره معي

سلمان:ان شالله

الجده: بنجي عندكم

سلمان:معنا احمد زوج العنود


الجده:عادي زوج بنتي

سلمان:شباااااااب لافكه من ساره

ياسر راح فكره:وش فيها ساره

سلمان:عمتك بتجي بكره زعلانه عليا

ياسر ابتسم على تفكيره


فهد:اقول بيجون اهلي ولالا


سلمان:مدري

ياسر:ومشاعل

سلمان:لا بتجي مع امي


ببيت ابو فهد


ندى:يمه وشلون تطلعون للبر وزواجي

ام فهد :اللي يسمعك يقول بنبي القاعه وشو كلها ثلاث ايام

ندى:يمه حرام عليكم بتخرب بشرتي

ام فهد:اها عاد عن الحكي اللي ماله سنع قلت لك وترانا ماشين الفجر

دخلت ندى للغرفه

ندى:الو

نسايم:هلا

ندى:بيطلعون للبر

نسايم:احسن حسي بمعاناتي يوم تعزمنا عمتي تقولين عادي وش فيها

ندى: اوف ماتفهمين انتي

نسايم:انا اللي وش اسوي هالرنو بسرعه تتعب

ندى:كل البزران يتعبون وكلهم كذا بس مو كل يوم الواحد يتزوج

نسايم:هههههه اسمك سوالف اقول روحي نومي شوي وعشان يمديك تجهزين

ندى:طيب

نهى:اقول ندووش

ندى:هلا

نهى: ولا مره قلت لي ان نواف عطاك كف

ندى تغير وجهها وسكتت ثواني:من قال لك

نهى :انا عارفه مايحتاج تقزلين لي بس توقعتتك بتقولين لي

دى:سكتت

نهى:ترى هذا شي راجع لك وانت حليتي السالفه انا مااقدم ولا ااخر
ندى حست بتقصير اتجاه اختها:لا مو كذابس تعرفين لين عصبت تطلع معي طلعات غريبه

نهى :معذوره

ندى:طيب انتي ماقلت لي ان حمد كاتب لك قصيده

نهى طلعت عيونها:وشلون عرفتي

ندى:ههههههه نسيتي انك حاطه الدفتر بالصاله وقريته

نهى:طيب واذا صار قصيده عاديه

ندى:عاديه ايه هين هذا وجهي ان ماكانت وراها سوالف

نهى:اووووف سكوووووت زين انسي سالفه



توائم روحك يتصل

نهى:هلا فهود

فهده: دريتي بالاخبار

نهى:اكيد افا عليك

فهده: طيب ماذا نفعل

نهى:ولا شي اركبي سياره وانتهينا

فهده:صدق انك بقره اقولك ماذا نفعل الربع هناك


نهى تستغبي:اي ربع

فهده:الربع

نهى:خالتي عندك

فهده:واخيرا انا بسياره معها

نهى:اطيب شنسوي فيهم بكيفهم

فهده: يابرودك ياشيه

نهى: اللي يسمعك اول مره نطلع ددائما بوجيه بعض

فهده:لحوووول منك انتي ماتفهمين

نهى:افهم بس ماله داعي نكبر السالفه

فهده:طيب المهم انا بروح التميمي تبني شي

نهى:اممم جيبي لوزام السهره

فهده:اكيد لاتوصين حريص

نهى:اسمعي بجيب جهازي معي

فهده:اوكي طيب

اذن الفج روجهزو وطلعوهناك للبر كان الجو اكثر من روعه صحيح برد بس حلو

الجده:حمد شب الحطب

حمد:انا

الجده:اعوذ بالله اكلم زوجي ياشين اللقافه

حمد:جزى المعروف طيب قوليله حمودي عشان اعرف اميز

الجده:ايمك ماتستحي

الجد: حمد قوم جيب الحطب

حمد:اوهو ليتني ماتكلمت ابشر

نهى:فهييييده وش سويتي بعكازتي


(نهى فكت الجبس بس رجلها مازالت متاثره وتمشي بعكازه)

فهده:حلوه

نهى:هذي للناس التعبانه وش حاطتلي فصوص وخرابيط وشذا اساوري حاطتها هنا

فهده:اكشخ خليها كذا

نهى:والله الروقان


ندى: جاني النوم برد يجيب النوم

نهى:صادقه حتى انا مانمت امس زييين

فهده:انا شخرت ماقمت الا يوم جت شغالتنا تكنس الغرفه


نهى:ماشالله عليك


االعنود:بنات قد شفتو احمد

نهى:صح وخري بشوفه

فهده:بجي معك

نهى:وش ذا متزوجه سوري

العنود: شسوي اذا شكله حلو

فهده:شكله خكري

العنود:هاه عن السب اي خكري يرحم اهلك وهو يدرس طب

نهى:عيونه ملونه

العنود:بنات فقر من جد يكفي مناظر

نهى:ليش شكله كذا

العنود:يشبه امه

نهى:امه ليش هي ليش كذا

ندى:يافلحكم امه عراقيه

نهى:احلفي
العنود:واللله

نهى:مابان عليهاكانها وحده مننا

العنود:عارفه

فهده تتكلم عراقي:خيتو سكري الباب برد

العنود:اوريك ياكلبه يارب واحد يرزقك امه ايرانيه تعرفين ان الله حق ذيك ساعه بطنز عليك صدق

فهده:استغفر الله استغفر الله لا خلاص خلاص

نهى:تفتح جهازاها

نهى:رهف اون لاين

ساره :والله كلميها

نهى:هااااااي

رهف:هلا وغلا كيفكم واحشتونننننننننني

نهى:وانا اكثر

رهف:مجتمعين بالاستراحه

نهى:لأاا بالبر

رهف:ياحظكم انا عندنا ثلوج مو برد


نهى شغلت المايك

نهى:هلا

رهف:اهلين

ساره سحبت السماعه

ساره:الووووو

رهف/هلا كيفك

ساره:تمام كيفك وكيف فارس ان شالله يدرس تراني عارفته بيلها

رهف:هههههه لا تخافين مسكره عليه الباب وقاعده هنا عشاندرس

ساره:ههههه زين تسوين فيه

رهف:اقول بنات بطلع بروح اسوي العشا باااااي

البنات:بااااااااااااااااااااااي







ساره:بنات خلونا ننوم ونقوم العصر

ندى:صادقه فيني النوم

نامو البنات وصحو للغدى بعد ازعاج الجده

البــــــارت الثالث والاربعون

الظهر صحت فهده قبل البنات راحت للخيمه لقت الجده وعبدالعزيز ومروان سلمت على جدنها وقعدت

مروان:غريبه فهده من دون نهى

فهده:ليش

مروان:مايصلح انتم مع بعض دائما مثل البيبسي من دون ثلج

الجده ماكانت معهم ابد ولقطت الثلج

الجده:اي ثلج بهالبرد ماجانين انتم

مروان:امي سار..

الجده:بس ولا كلمه اشوفك ماسك ثلجه والله لاتشوف شي ماشفته

مروان:خليني افهمك قبل لاتظلميني انا كنت اقول

الجده:لاتفهمني قالو لك غبيه

عبدالعزيز: اسكت احسن لك ترى امي ساره ميب مخليتك

الجده:فهوده تعالي اشربي حليب بالزنجبيل

فهده:ماحبه بقوم اقوم البنات مابعدصحو

فهده:بنااااااااات قومو خلاص

ساره:برد والله مااقوم

فهده:يالله قومو

العنود:سكري الباب برااد

فهده:سليمه نهوووي قومي يالله انا الثلج وانتي البيبسي

نهى ونصها نوم:أي بسبسي واي ثلج

فهده:قومي واقولك

نهى: طيب

فهده:بناااات برد برد مره بموت برد

ندى:لحووووول اسكتي

الجد دخل:يالله يابناااات قومو صلو الجو برى مايتفوت حرام تضيعونه بنوم صحصحو

العنود:ابوي حمد نص ساعه وتعال

الجد:قومو يالله وش بتستفيدون

العنود وهي ترمي المفرش:اصلا طار النوم يالله قمنا

بعد الغدى

حمد دخل الخيمه وكانت الجده نهى وابو فهد فيه والجد

حمد:السلاام عليكم

ابوفهد:ادخل وعليكم السلام

نهى بتقووم مدت العكازه

ابوفهد:نهى وش هاذا

نهى:وشو

ابو فهد:عكازتك

نهى:هههههههههههههههههههههههه شغلفهده مو انا

ابوو فهد:الله يصلحكم

نهى:يصلحهاهي ان الحمداللهمافي احلى مني

********************************************

العنود:بنوتات فكره تجنن

مشاعل:ماهي

العنود: نطلب من العيال يمشونا ويفحطون بنا

مشاعل:معك

العنود:صبر

العنود:الـــــــــو

نواف:خير

العنود:احم زوجتك ودها تفحط وتتمشى

نواف:زوجتي هين ا انتي اللي تبين

العنود:ايه انا وزوجتك

نواف:طيب بجي

نواف شاور العيال وطلعو نواف ومعه مروان

اتصل لهم نواف قال لهم يجون

العنود:احم اخي العزيز يعني ودي اسوق

نواف:تبطين


ندى:انا من زمان خاطري اسوق

نواف:خلاص تعالي اعلمك

العنود:لايالخاي من ساعه اطرك وتوافق للندى اوريك


نواف:روحي للاحمد خليه يعلمك

مروان:ايه

العنود:صاحي بيقول انهبلت

نواف:تبين تتلعمين

العنود:ايه

نواف:بس مو بجايبها االا ابو حميد

نواف دق على احمد

نواف:تعال مرتك تبيك

العنود تطق نواف

نواف سافها

احمد:وش فيها

نواف:مشتاقه

احمد (ماصدق):هااه

نواف:والله صدمه عارف المهم تعال خذها من عندي بعلم مرتي السواقه

احمد:ايش

نواف:تعال شيل مرتك وش فيك صاير دلخ

احمد:طيب طيب جاي

جا لهم احمد والعنود شوي بتصيح من حركه نواف

احمد:السلام

نواف: اختصر خذ مرتك وطلعو فضو الجو

احمد:هههههه طيب

نزلت العنود مع امد وودها تذبح نواف من الغيظ اللي فيها

نواف: شخبارك

ندى:بخير

نواف:اقول نمشي قبل مايجون الباقين

ندى:لاحرررام عليك

نواف: والله انتي حنونه وانا نجس ومشي

فهده:السخيف نسونا عشان مرته

نهى:لنا الله

فهده:جعل ربي يرزقنا قولي امين

نهى:مستعجله

فهده:قولي امين

نهى:امين

مشاعل:شو فيكم رجعتو


فهده: كل واحد شال زوجته وراح

مشاعل:لا اجل اروح مع زوجي

فهده:تسوينها الخيانه تجري بدم العائله

سلمان:افا من خاينك يافهده

فهده:بنات اخوانك المهم تفحط بنا ولالا

سلمان:تنرحمون يالله تعالي

وراحو ركبو مع سلمان ولفهم ورجهم رج وارجعو للخيمه نهى ماراحت معهم عشان رجلها تخاف يجيها شي

فهده:فاااااتك وناسه

نهى:ان شالله المره الجايه

فهده:اقولك شي

نهى:قولي

فهده:مشتهيه اطقك


نهى:سويها

فهده تمسك المخده بتحدي:تتحديني طيب

بدى الصراخ وبدت تعلى الاصوات

الجده:هاو وش فيهم يصارخون

الجد:هالبنيات مهبل

مشاعل:خالي لاتجمع تراهم نهى وفهده بس

وائل:ألله كل هالصوت منهم

مشاعل:ماشفت شي خلني ساكته الا شخبار دراستك

وائل:تمام التمام ولو ان فيه دكتور حاقد علي بس مشين الحال

سلمان:احم احم

ياسر:تراك طفشتنا ذتها وبعد تبي تحرمنا منها

دخلت البسه حقت ساره ونطت بحظنها لانها كانت برى تلعب مع احلام

ساره:ياقلبي بردانه

الجده:طلعي هالجنيه افها من اهل الارض

ساره:امي ساره هذي لهاعندي اكثر من شهر

وائلأ:وانتي رايقه تربين قطاوه

ساره:حصل تربيهم

سلمان:الحمدالله وشكر بس

ياسر خلنا ساكتين ترى فيه فيه ناس يحبون السمك يعني ماصار شي

سلما :وشو اي سمك

مشاعل تاشر له اسكت

ياسر:حرمتك المصون من دخلت الموسط وهي تربي بهالسمك

مروان:وانا اقول وش في الثروه السمكيه قاله منك يامشاعل

سلمان:افــــــا تربين سمك

وائل:اخر وحده ماماتت للحين

ساره:يعني مو اانا لوحدي كر كر
مشاعل:ياربي منكم وشو سمك

وائل:تتذكر ياياسري وم تيج على هذيك السمكه اللي لونها اورنج

ياسر:ايه من ينساها ذاك اليوم

سلمان:بس اسكتو يكفي تريقه على مرتي وش فيه سمك حيوان اليف

مروان:مثلك

مسك سلمان:النعله وشاته فيها:ايا قليل لادب انا حيوان

مروان:مو حيوان حيوان يعني

مشعل:حيوان ناطق

مروان:نعم هذا قصدي بالفعل انت حيوان ناطق

سلمان:شف الحين جالس وياكم ومقابل وجيهكم وتقولون لي حيوان

رامي:كلنا حيوانات ناطقه وش فيك

وائل:اضف عليها اليفه

مروان:ههههههههههههههههههههههههههه حلوه

سلمان:يقطع ابو الدراسه اللي تدرسونها خلتكم كذا

ساره:سكرانه من الضحك عليهم

الجده: ساره روحي شوفي هالمهابيل معاد لهم صوت يمكن ذبحو بعض

ساره:هههههههههههه ان شالله

ساره:بنات امي ساره....

لقت نهى وفهده متسدحين وكل وحده تلهث بقوه منهدين من الحرب
بعد ثلاث ايام رجعو وكملو عادي الا ان جا يوم الخميس زواج ندى ونواف


الساعه9 الصبح
ندى صايره ماتتكلم مع احد عصبيه

ساره:وش فيك انتي هدي مستعجله علىالحرب ليش

مدى:اوريك انت وش حربهلعد انا ناقصه

ساره:وسعي صدرك صار 6 شهور متملكه مفروض خذتي وجه عليه

ندى:مدري بس

ساره عرفت ان العناد هو الطريقهالوحيده اللي بتحل السالفه: طيب اجلسي هنا احد قال شيانا بروح للبيت

ندى وفيها صياح:لا والله ماتروحين

ساره:الا بروووح جالسه تهاوشيني

ندى:خلاص بسكت

دخلت ام فهد:ندى روحي كلي لك شي ترىالكوافيره بتجي الساعه 12
ندى:يمه ونت

ام فهد:اعوذ بالله بسوي نفسي ماسمعت شي يالله اخلصي

تمت الترتيبات وكل شي تمام انزفت ندى وكانت الصاله من اولها لاخرها ورود كشخه

وندى كل شي فيها داخله فه ورود كاعادتها

انزفت ندى ونواف رفض يدخل عندالحريم مادخل وطلعت وعاالساعه 3

العنود:فيني النوم

نهى:وش اقو ل انا

العنود:خلاص خلي نرجع البيت

نهى: حسايف والله نرجع بدري بس فيني النوم

فهده :وش فكيم

نهى:وش اللي مو فينا نبي ننوم وبرد وو

فهده: لا حرام قومو نرقص ونردح

نهى:لا ماعلي منك انتي شاربه لك منشط

العنود:اااه يارهف

نهى:ياعمري ليتها جايه

فهده:خلوها تضحي عشان زوجها


ساره:صلدقه

فهده:مصالح عشانه اخوك لو هو واحد ثاني كان وريتيه شغله

ساره:ياعمري اناا

مشاعل تجي وترمي نفسها على الكتب:أاوف تعبت من خاطر


نهى:هالندى كرفتنا كل شوي مرقيتنا ومنزلتنا عاد تلقينها الحين عمتي مريحه


العنود:خليهم انا بروح للبيت شكلي وين مره اخوي

نسايم:ناديتيني

العنود:متى بترجعين

نسايم:بروح نايف فيه النوم ورنو مزعجتني

العنود:معكم اجل صبر بقول للامي

نهى:والله ضايق صدري

فهده:ليش

نهى بدت تصيح: نسايم تزوجت وندى ماعندي احد


فهده:ياعمري وانا وين رحت وبعدين هم تزوجو من ماتو فيه فرق

نهى:بس ولو مو صايرن عندي بالبيت

فهده:اقول بجيبك البيتنا بس

نهى:شكلي برجع معكم اليوم ماقدر اروح البيت والله بفقد ندى

فهده:اوكي الله يحيك بروح اقول للخالتي

فهده:خالتي

ام فهد:هلا

فهده:نهى بترجع معنا اليوم

ام فهد: لازم

فهده:والله ضايق صدرها على فراق ندى خليها تجي وتوسع صدرها

ام فهد:طيب بس بكره ترجع

فهده:بترجع سليمه قطعه وحده لاتخافين

ام فهد:هههههههههههههههههههههههه الله يقطع سوالفك يافهوده

رجعت نهى وفهده للبيت قبل لان الباقين عندهم اشيلء بالقاعه

نهى راحت بسابع نومه وفهده بعد
***************************

بعد هالكلام بست شهور

مشاعل$سلمان:مشاعل حامل بشهر الثالث

نسايم $نايف :لاجديد حياتهم بروتين

نهى$حمد: بعد لاجديد

نواف$ندى: لا جديد في حياتهم

رهف$فارس: يكملون دراستهم برى

فهده$عبدالعزيز: مافي اصابات

******************
نهايه الفصصل الدراسي الا ول بدايته

حفله تخرج مسوينها لعبدالعزيز خلص وبيشتغل مع العائله

الجد:عبدالعزيز

عبدالعزيز:سم

الجد:انت تخرجت هذي هديتك وطلع من جيبه مفاتيح لسياره اودي

حمد:ترى بقي فصل واحد واتخرج انا

الجد:حقك بيجيك واصل

قام عبدالعزيز وحب راس ابوه وجده

مروان:اذا تخرجت طب انا عاد رفعه راس وش بتجيبون لي

ابو حمد:نقط لك بعياده وتشتغلون فبها كلكم وائل حسابات وانت الدكتور ورامي يمسك الرسيبشن حاسب عاد مشعل يتقل المرضلى بطياراته

ابوفهد:ههههههههههههههههه كلهم ماشي الا مشعل

مشعل:لتني دارس شي غير كان معكم

مروان:صح كلامك بس حنا نحتاج رامي لالشياء كثيره اولها الحاسب والثاني والاهم يعقم المستشفى

وائل:هههههههههههههههههه حلوه

مروان:ويكتبون مروان ولد عبدالرحمن ياربي متى

الجد:قريب ان شالله

ابو عبدالعزيز:خلاص ياعبدالعزيز لازم ندور لك على عروس

عبدالعزيز مايحب يتكلم بموضوع خصوصي عندد الامم الموجوده: يصير خير بروح اسلم على جدتي

وكملو جلستهم






*****




ايام الامتحانات النهائيه للصف الثالث ثنوي:

نهى:ياربيه يمه والله مابي ادرس


ام فهد:افا ليش ماتبين تدرسين

نهى:طفش

لم فهد:شدي حيلك هاالاسبوعين وان شالله ترتاحين طول العمر

رن تليفون

فهده/تعبت من الدراسه

نهى:حتى انتي

فهده:والله خايفه ودي اصيح

نهى:اصيح عشان كتب ماتسوى قفلي خلينا ندرس

كملو البنات امتحانات ودفاره على الاخيرر وجتالعطله من جديد حمد تخرج وتوظف مع شباب

بيسون له حفل تخرج هو ونهى وفهده بالمزرعه

البـــــارت الرابع والاربعون

يوم الخميس الموافق حلفه تخرج(نهى+فهده+حمد)

الظهر الساعه 11 ببيت العمه لطيفه

العنود:مدري عنكم

لطيفه:وشو ماتدرين صار لك 7 شهور متملكه وراح سافر ورجع وانتي عمتي ماتدرين

نايف:يمه على هونك عليها بس انا اقولم نسوي زواجك وتروحين معه لانه بيرجع مو قاعد هنا

العنود:طيب انا مابي اسافر

نايف:لعب بزران هو انا قايل لك انه بيسافر ليش ماتكلمتي

العنود والعبره موصله:خلاص سوي اللي تبيه

لطيفه:ألله يهديكم بروح احط الغدى

_*_*_*_*_*_*_*_*_*_*_*_*_*_*_*


بعد المغرب الكل راح هناك والبنات جابو مجموع حلو فهده:93
ونهى:90 يعني حلو

جلسو على سوالف وضحك وعزمو صديقتهم ريناد ووجدان

فهده:هلا والله وغلا برنود

ريناد:هلا فيك

نهى:وانا مالي رب سلمو ولا تعدوني دائما

ريناد:افا انتي الخير والبركه


نهى:عاجبتكم قعده الباب ادخلي نعرفك على عائلتنا الكريمه

دخلت وبعدها بربع ساعه جت وجدان ودخلت معهم

__*_*_*_*_*_*_*_*_*

عند الشباب

حمد:واخيرا تخرجت وخلصت وافتكيت

ابو حمد:لاتفرح ترى الشغل ينتظرك

حمد:عارف

عبدالعزيز بهمس:د وام ثاني


حمد:ايش لالا يبه لاتقتل فرحتي دوامين حررام

ابوحمد:اسمك صرت بنت اعقل ولا ماراح نزوجك

حمد:صح على طاري الزواج اخطبو لي


ابو عبدالعزيز:بنخطب للعبدالعزيز قبل

عبدالعزيز استغرب لانه ماعنده خبر انهم بيخطبون له:انا

ابوو عبدالعزيز:ايه انت

ابو حمد:خلاص بس انا نخلص من زواج العنودونزوجك

حمد:غش وانا مالي دخل انا وياه مع بعض

ابوحمد:طيب لاينقطع فيك عرق

عبدالعزيز:هههههههههههههههههههههه
حمد:ضحك مايحس بنار الا واطيها

الجد:حمد تعال جنبي

حمد:احم ان شالله

الجد:صبلي قهوه

مروان:هههههههههه لقط وجهك

حمد:خير ان شالله

الجد:لا ماعاش من يزعل حمد ولدي تعال وطلع ورقه

حمد:وش هاذي

الجد:أقرى

حمد:قعد يقرى والابتسامه كل مالها في توسع

حمد:مـــــشكور يااحلى جد وقام وباس راس جده

وائل:والله القافه ماكلتنا ممكن تقول نا وش السالفه

حمد:مالكم شغل

(توضيح:الجد اعطى حمد صك للارض بس مو له يمسكها ويبنيها وينها له بما انه للمجاله دخل يبنيها له وطبعا حمد استاسنس اول اعماله للجده)

مروان:تـتوقع البنات وش جاب لهم

وائل:مدري يمكن بيسفرهم

مشعل:لا خذها مني بيمشونه على رايهم نهى وفهده

رامي:ننتظر ونشوف

بعد مده ماكذب مشعل هديتهم يغيرون غرفهم


وائل:ان شالله يعني بقي لي ثلاث سنين واتخرج

رامي:شلون اختصرتها

وائل:[اخذ صيفي واخلص موادي

مروان:ياعمري انا يبيلي اقلها خمس سنين شكل احلام بنت راشد بتدخل الجامعه وانا ماطلعت

دخلت عليهم رنا تصيح

مروان:وش فيك

رنا:قعدت تتكلم بس كلامها للحين مو مفهوم


مروان:مو منك من ابوك الفاهي

نايف:هاه كانك تسبيني


مروان:اقول ابو نسب خذ بتنك

فهد:رنو تعالي هنا

رنا راحت للخالها وقعدت بحضنه قعد يلعبها وسكتت

نواف: تتوقعون بنت ولا ولد(ندى حامل بشهر الرابع)

مروان:يارب ولد

نواف:لأيش

مروان:ياخي كل بزرانا بنات تغيير

نواف:اهم شي تولد وبس

سلمان:شقول انا اجل خلها على الله بتدخل العاشر ماولدت

ياسر:افا مليت من اختي

سلمان:مامليت منها راحمها وذلي ببطنها

ياسر:على بالي

مروان:وين الله يدنيا اول تفكرون وش تسوون من الفراغ والحين كل واحد يفكر بعياله

سلمان:يجيك يوم يجيك

رمروان:هو بيجي بس متى الله واعلم


نايف:ترى زواج العنود بعد شهر ونص

مشعل:واخيرا بتتزوج

نواف:وش قالو لك عانس

مشعل:لالا محشومه

عبدالعزيز:حلو تكون اجازه فارس وتجي رهف

نايف/ماهمك فارس همك رهف

عبدالعزيز:اختي وش فيها ماشفتها من 6 شهور


من عند شيـــــاب

ابو عبدالعزيز يتكلم هو وابو فهد:اقول والله عبدالعزيز يبي يتزوج ولا راح نلقى احسن من نهى له
ابوفهد: والله عبدالعزيز رجال وماعليه كلام بس لازم اسئلها اول

ابو عبدالعززيز:طيب بس لاتقول لللاحد الين يصير شي

ابوفهد:ان شالله

__*_*_*_*_*_*_*_*_

البنـــات

نهى:تراني جايبه استريو مروان


فهده:توك تتكلمين يالله بنات

مشاعل بتعب:مافيني اتحرك

ناديه:شكلك بتولدين الحين

مشاعل:ياليته وافتك منه

نسايم:مالي خلق والله

ندى:تعبانه هالوحام متعبني

العنود: وانا مو مشتهيه

نهى:افا بناتنا عجزو مافيه ال انا قومو بنوتات

ريناد+وجدان+فهده+نهى+ناديه

رقصو وهيصو صوت المسجل عالي مره ووصل عندالرجال

ابو حمد:بقوم اقولهم يطفونه

الجد:والله انك ماتقوم ولا تكلمهم خلهم بنياتي يستانسون

مروان:مقدر فيني ردحه ابي ارقص

مشعل:يالله

مروان: مااقدر ابوي اليوم معطيني محاضره عشان نهوه تاخذالاستريو

مشعل:اجل خلك مكانك

كملو اليوم بتهيص وفرحه رجعو للبيت كلهم الا مروان راح عند مشعل

ابو فهد:نهى لاتطلعين تنامين ابيك بموضوع

نهى:انا خير ان شالله

ابو فهد:كل خير اليوم جاييين ناس يخطبونك

نهى حست بشعور غريب مزيج من الخوف والفرحه:مين؟؟


ابو فهد:عبدالعزيز ولد عمك

نهى وقفت:ايــــش؟

ابو فهد:وش فيك فكري بالموضوع

نهى:لالا مو موافقه

ابوفهد:اقدر اعرف ليش

نهى:لالا مااقدر اتزوجه

ابوفهد عصب:طيب ليش على كيفك تردينه

نهى:لالا بس تكفى لاتزوجني انت ماترضى اطلع من بيتك مغصوبه ولاترضى اعيش تعيسه

ابوفهد:طيب ليش بتعيشين عيشه تعيسه

نهى:والله مااقدر ااتزوجه تكفى لا تجبرني

ابوفهد:مو انا اللي اجبر بنتي على شي ماتبيه

نهى:الله يخليك بروح انا تبي شي


ابو فهد من غير نفس:لا تصبحين على خير

نهى:وانت من اهله

راحت بسرعه الصاروخ فوق تفكر بنفسها وبالفكره وفي فهده لو عرفتااااه يافهده لو تدرين وش بيصير فيك واصلا عبدالزيز كيف جا بخطبني وهويبي فهده وش اللي يضمن انه يبيها الله يعيني وش اسوي نعبت من التفكير واستسلمت للنوم

-8-_*_*_*_*_*_*__*

عبدالعززيز:ليـــــش يايبه من قالك اني ابي نهى

ابو عبدالعزيز:وليش ماتبيها بنت عمك واولى من الغريب

عبدالعزيز:بس انا مابيها والله مابيها من اذن لكم تخطبون لي وانا اخر من يعلم زواج منيب متزوجها لوتنطق السما على الارض طلع وخلا هم

ابو عبدالعزيز:الله يهديك تبي تسود وجهي راح للغرفته وهو يجر اذيال الهزيمه

طلع عبدالعزيز من البيت كيف يتزوج نهى وكيف ينسى فهده والادهى والامر ان نهى وفهده واحد لف بشوارع الرياض وضاع فيها مثل ماضاع داخل افكاره رجع للبيت ونام ولا صحى الا لمى صحته امه للصلاه الجمعه

نزل وهو مو طايق شي ومبين على وجهه

ابو عبدالعزيز وهو يحط الفنجان:عبدالعزيز تعال معي نروح نصلي

عبدالعزيز:ماقدر يقول لا مع انه مايبي:ان شالله بس اجيب شماغي راح جابه وهو يتوقع انه بيحصل مصيبه

ابو عبدالعزيز وهو يمشي بشارع مع عبدالعزيز:اقول بخصوص سالفه امس

عبدالعزيز:يبه لاتفكر فهيا خلاص

ابو عبدالعزيز: نهى رفضتك تو عمك متصل وقايله

استانس عبدالعزيز وفرح لانه ماراح يحرج ابوه ولا يخسر شي وقررر يفاتح ابوه بموضوعه

عبدالعزيز:زين .....ابيك تخطب لي

ابو عبدالعزيز استغرب لانه ماسال ليش ولااهتم ويبي يخطب غريبه

ابو عبدالعزيز:ان شالله

عبدالعزيز:بس انا في وحده ببالي

ابو عبدالعزيز:منهي؟؟؟

عبدالعززي:فهده بنت عمي

ابو عبدالعزيز رجعت له الفرحه: ابشر ياوليدي مابغيت شي زين ماخترت

عبدالعزيز كان بيتشقق بنفس الوقت خاف من فهده وش بيكون رايها

__*_*_*_*_*_*_*_*_*_*_

فهده تتصل على فهده ولا ترد استغربت ليش ماترد عليها رمت جوالها عاسرير وطلعت وسمعت صوته ورجعت له

سلمان بصوت فرحان:الــــو

فهده:هلا والله وغلا بسلمي كيفك

سلمان:ابو وليد لو سمحتي

فهده:ولدت كذااااااب مبـــــــــروك

سلمان:الله يبارك فيك انتي اول وحده ترد كل من اتصلت فيه مابرد

فهده:اجل لي الحلاوه

سلمان:انتي اللي تجبيبين لي

فهده:تبشر ولا يهم ابو وليد

سلمان:طيب الحين عاونيني اتصلي على العائله وحاولي الين يردون وانا بحاول

فهده:ابشر بالخير

سلمان:مع السلامه

فهده:الله يسلمك

وانتشر الخبر والكل فرح وبارك واستانسو

عبدالعزيز اجل موضوعه شوي

_*_*_*_*_*_*

يعدهكلام بسبوع

حمد:يمه متى بتزوج

ام حمد:ياربيه منك متى ماتبي يكفي حنه

حمد:اجل روحي بكره اخطبي لي

ام حمد:ايه يبيلي ادور لك

حمد:لا لاتدورين اخطبي لي نهى

ام حمد: وهذا انت مثل ابوك تخلص الموضوع وتعطيني خبر

حمد:افا ماخلصنا شي المهم اخطبو لي

ام حمد:زين بشوف البنت وامها وابوك يصير خير

حمد:بدينا بشغل المماطل اخطبوها وبس وامها وابوها واهلها وام الجيران ليش

ام حمد:هههههههههههههههههههههه الله يقطع سوالفك بكره بقول لهم

حمد:ياربي تصبرني ليش بكرهاليوم

ام حمد:الساع1 تبيهم يقولون عني سكرانه

حمد:ههههههههههههههاي لا محشومه بس لاتتاخرين

اتصلت ام حمد ووافقو ونهى كانت متردده خذت مده تفكر بعدين وافقت اما فهده كانت تواتعرف يخطبه عبدالعزيز لها لوا ردت لهم

ام فهد:قبل مانسوي خطبه رسمي بنسوي تحليل احسن

ام حمد:صادقه بكره ان شالله يروحون

امفهد:الا ماقلت لي وش قالت فهده

ام حمد:والله انا مدري عنها هالبنت ساعه اقول سوسه وتشيل عمرها وساعه اقول سفيه مدري عنها ماقلت لها الا امس ان شالله ترد لي قريب تاخرنا عليهم

ام فهد:اسم الله عليها حرمه وتكانه بسة هبال بتعقل ان شالله

ام حمد:ان شالله الا وين نهى

ام فهد:هههههه قايله لي لاتناديني منيب جايه وخلي فهده تجي عندي

ام حمد:ههههه حليلها تغلى علينا

__*_*_*_*_*_*_*_

فهده:والله وكبرتي وصرتي مرت اخوي

نهى:الله وكبر انا بلحالي وضيف اللي لاطعته

فهده:ياشينك خليني اتغلى

نهى:من تغلى تخلى وشوله المشاوير اذا انتي تبينه

فهده:رايك

نهى:هذا رايي

فهده:زين المهموش شعورك لم اخطبك حمد

نهى: يا شيخه بغيت اصيح

فهده:ليش

نهى:والله مدري تصدقين وبعد ماوقفت حلمت حلم والله يستر منه

فهده:ايش هو

نهى:لا مابقوله انسيه كابو س ان شالله

فهده:ان شالله

_*_*_*_*_*_*_*_*_*_*_

من بكره الصبح

نهى:يمه وليش ماتقولون لي

امف هد:يعني وش وراك البس يعباتك وروحي

نهى:ياربيييه منكم طيب

فهد:ترى بيجي بعد ساعه واخلصي لاتعطلوني

نهى: ان شالله راحت للغرفتها تفكر وشلون بتحلل

راحو وحللو وهم طالعين نهى شوي وتطيح اسحبو منها دم كثير

فهد:ههههههههههههههاااااي وقفي زين

نهى
سكتت وهي وده تطقه من قهرها

حمد:كل هذا دم تحليل



_*_*_*_*_*_*_*_*_

عبدالعزيز:يمه ماردو عليكم

ام عبدالعزيز:لا يعني اذا ردو بقولك ليش بسكت

عبدالعزيز:اتصلي عليهم

ام عبددالعزيز:الله يصجك ياملحك يومك ساكت

مشعل:هههههههه تحطيم لقط

عبدالعزيز:قول اللي تقوله مالي شغل اتصلي الحين

ام عبدالعزيز: ياربيه طيب

اتصلت من عبدالعزيز وجلست تسولف وعبدالعزيز وده ياخذ سماعه وياخذ الجواب سكرت ام عبدالعزيز ومابين على وجهها الفرحه ولا الحزن كانت ساكته

عبدالعزيز تمكن منه الخوف/يمه وش قالو

ام عبدالععزيز: امممم والله مدري شقولك يعني

عبدالعزيز:قولي يمه

ام عبدالعزيز:,.....


نهـــــايه البارت

البـــارت الخامس والاربعون والاخير:::


عبدالعزيز:خير يمه وش قالو

ام عبدالعزيز:وش رايك

عبدالعزيز:يمه وانا مو رايق وش دراني

ام عبدالعزيز:وافقو وين يحصلون مثلك

عبدالعزيز تشقق من الفرحه قام وحضن امه:قولي والله

ام عبدالعزيز تضحك من خاطر:والله بكذب يعني

عبدالعزيز :محشومه بس من الفرحه

ام عبدالعزيز:معذور ترى بكره بتروح تسوي تحليل

عبدالعزيز مايدري وش سالفه:لأيش

ام عبدالعزيز:قبل الزواج

عبدالعزيز:سياره انا

ام عبدالعزيز:ههههههههه ياحليلك

مشعل توه داخل:وش صاير

ام عبدالعزيز: فهده وافقت على عبدالعزيز

مشعل:مبرووووووك هديتي لك شاش واسفنج ومرهم حرووق

عبدالعزيز:سخيف

ام عبدالعزيز:لأيش ياكافي هذي هديتك له

مشعل:لو تدرين شريتي له سياره اسعاف

عبدالعزيز:اقول ورى ماتنقلع

مشعل:يمه شوفيه

ام عبد العزيز:مو منكم من الللي يقعد معكم زين
طلعت وخلتهم وعبدالعزيز سرح

مشعل جاب فنجان القهوه وكبها عليه

عبدالعزيز:هــــــيـــــــه الله يقلعك

مشعل:ههههههههههههههههههههاي

عبدالعزيز:والله اكوفنك هنا

مشعل:كركركركر سوها وانحبس ولا فيه زواج ولاشي

عبدالعزيز:اضحي بحياتي عشانك مسكين

_*_*_*_*_*_*_*_*_*_*_*_*_*_*_*_

عبدالعزيز بالمستشفى مع حمد وفهده بيسون تحليل

جت النيرس مسكينه بتسوي معها الابره

فهده:وخري لوتموتين ماخليتك تدخلين هالشي فيني

حمد:يابنت خلاص خليها

فهده:يمـــه لاااااااااا ااااااااااي

حمد:كذابه مادخلتها

فهده:خلاص هونا مابي اتزوج

حمد:لعب بزران اخلصي علينا

فهده:ياربييه وش اسوي تخوف

عبدالعزيز كان مشاهد ماقدر يستحمل:ههههههههههههههههههههههههه

فهده استحت على وجهها ومدت يدها وهي ساكته

حمد:انا ضعيف الساعه اقنع فيك

فهده:خلاص اهم شي اقتنعت


_*_*_*_*_*_*_*_*_*_*

بعد يومين راح حمد ياخذ نتيجه التحاليل اللي ماعطاها اي اهميه دخل انسان وطلع انسان مهمش الاحلام كان يضن نهى حلم وبيتحقق ماعرف انها حلم وبيضل حلم جلس على طرف الرصيف وشايل الورقه معه كانها ورقه اعدام اجمل شي في حياته اتصل فيه فهد اكثر منة مره ولا قدر يرد كيف يرد وش يقول مستحيل نتزوج ركب سيارته ولا يدري كيف وصل للعبدالعزيز رن الجرس وفتح له مشعل

مشعل:هلا ابو حميد تفضل

حمد ساكت ولا قال ولاكلمه تبع مشعل الا ان وصل للملحق مشعل لاحظ سرحانه فسكت ماقال شي طلع

مشعل بغرفه عبدالعزيز

مشعل:عبدالعزيز حمد يبيك تحت

عبدالعزيز فرحان:اكيد جاي يبشرني ماعرف ان الخبر وصل انا بروح له نزل عبدالعزيز والسعاده معه دخل واستغرب هدوء حمد

عبدالعززيز:يامرحبا النسيب عندنا

حمد:........

عبدالعزيز:خير فيك شي

عبدالعزيز راح فكره بعيد:ليكون مغصوبه اذا مغصوبه انا من نفسي بنسحب



حمد:لااااااا موافقه بس

عبدالعزيز استغرب من طريقه الرد:اجل ايش فيك

حمد: حط ايديه يغطي بها عيونه لاتنكشف دموعه

عبدالعزيز:حمـــد وش صاير وقفت قلبي

حمد:نهى خلاص ماعادت لي

عبدالعزيز مافهم شي وحيرته تزداد

حمد: نهى مااقدر اتزوجها

عبدالعزيز:هي موافقه وش صار حمد تكلم لاتسوي كذا بنفسك كل شي وله حل

حمد بكي مثل طفل انهار لحظات الصبر المشاعر كل شي اختفى بكل بساطه

حمد:ألتحليل انا وياه مانصلح نتزوج اولادنا بيجون مرضى

عبدالعزيز انصعق بالخبر له اثر كبير بنفسه:وشلون

حمد: تسال وتسال ااااااااااه من يحس عبدالعزيز والله مقدر اعيش ممن دونها وشلون وشلون ماتزوجها انا مابي عيال صبري راح مابي شي

عبدالعزيز تقطع قلبه على حمدد قام حضنه حاول يهديه بس حمد استمر بالبكي

_*_*_*_*_*_*_*_*_*

ببيت ابو فهد

ام فهد:االخميس هذاولا اللي بعده

نهى:لا يمه هذا احسن

فهد كان خايف من نتائج التحليل وخصوصا ان حمد مارد عليه

ام فهد:طيب بشاور حنان

فهد:ليش مستعجلين التحليل مابعد طلع

ام فهد:الا شخابيط على ورق بكيفها

فهد:لايمه لاتستهينين خصوصا ان حمد ولدعمنا

ام فهد:لايكثر حكيك بس هها يمه وش قلتي

نهى:شاوريها

فهد طلع لانه اتصل عليه عبدالعزيز وفهمهة بسالفه راح للبيت وجهه معتفس تذكر لما كان يتدرب على ملكته كيف كان مستانس وجاه الخبر ونهى بتمر بنفس الموضوع قال للامه وبكت وحزنت بس بقي نهى ماعرفت كيف بتتحمل الخبر

فهد طق الباب

نهى:مين

فهد:انا فهد

نهى:ادخل

فهد: امم شتسوين

نهى: شوفه عينك جالسه اشوف الموديلات الجديده

فهد:اها طيب بقولك شي بس اوعديني

نهى:اوعدك بايش

فهد:انك تتماسكين

نهى خافت:اوعدك قول

طلع من الغرفه وهو دمعته بعينه على الي صار صادف ندى

ندى:وش فيكم

فهد:نهى وحمد تحليلهم ماتوافق

ندى مصدومه:وشلووووون

فهد:تسألييني

ندى: عرفت ولالا

فهد تنهد:ايه بطلع الحين

ندى راحت للنهى حاولت تهديها بسس لاامل كانت تبكي بحرقه والم فتحت دفترها قرت اللي كتبه زاد صياحها وقهرها صاحت وسكرت باب الغرفه الكل حاول يشوفها واولهم فهده ابوها اهلها الجميع حاول استسلمت للنوم بعد رحله طويله مع الحزن

_*_*_*_*_*_*_*_*__*_*_*_

عبدالعزيز:حمد اقعداليوم هنا

حمد:لأبرجع البيت بعدين محد يدري للحين

عبدالععزيز:لايدرون انا قلت لهم

حمد:ليـــــــش

عبدالعزيز:بيعرفون بيعرفون خلاص ص انا قلت للفهد

حمد:اااااه يافيني قهر يافيني حسره

عبدالعزيز:حمد اكيد لربك حكمه يمكن خير لك

حمد:خير من يبعدني عن نهى مابيه

عبدالعزيز:تكفى افهم خلاص انتماتقدر تغير شي بالموضوع وبعدين هي ماتبي عيال ماتبي تصير ام لاتصير اناني ياحمد والله مع الايام بتنسى

حمد:ماراح تحس باللي احس فيه

عبدالعزيز:الله يهديك بس خلا ص نام الحينن

حمد مارد عليه


طلع عبدالعزيز وهو متضايق على حمد انجرحت فرحة ونقصت بعد ماكانت كامله تحسر على احوالهم اللي بين فتره وفتره يخرب صفوها شي هز راسه لمحاوله فاشله انه ينسى وتذكر فهده اكيد حزينه على اخوها الله يعينها يارب انك تستر عبدالعزيز كان خوفه انه فهده بنت عمه وتحليل مايجي بصالحه تنهد راح يصلي ركعتين يدعى بها للنفسه وللاهله ونام

_*_*_*_*_*_*_*_*_*_*_*_*_*__

بعدهالخبر قامت نهى وعيونها ثقيله وتحس بصداع فضيع دخلت الحمام تذكرت لليله امس تخالطت دموعها بالمويه والالم كانت تحس بحراره تحس كل شي يتبخر من حولها

انطق باب الغرفه

ندى:صباحو

نهى من غير نفس:هلا

ندى:ياكافي قولي لي صباح الخير

نهى:اي خير بيجي بعد متفائله انتي

ندى كشت من رد نهى وطلعت وخلتها نهى تلومت بنفسها ليش قالت كذا بس ماهي بحال ملام

نسايم:نحن هنا


نهى بثقل وتكشير:هلا

نسايم ماعجبها: نهوووي خلاص نهى لاتكدرين خاطرك ترى مايسوى واعتبري الموضوع ماكان

نهى:بفهم الموضوع ماكان كذا ببساطه انتم ماتحسون فيني باللليصير فيني والله محد يفهمني محد بيفهمني غير اللي حاس فيني وبدت تصيح اكيد حمد حاس فيني الحين اكيد بيفهم شعوري بيحس باللي بداخلي

نسايم:نهى لا تسوين كذا بنفسك وحمد انسيه خلاص

دخل فهد وقلبه تقطع على اخته

فهد: نهى تكفين ارحميني واسكتي

نهى:انتم ارحموني خلوني اطلع اللي بقلبي اواصيح خلو دموعي

فهد:نهى نهى انا مو ناقص اتعذب خافي ربك القيها من ومين ولامين حراااااام عليكم طلع فهد بعد ماطلع جزء من معناه مريره عاشها

ابو فهد دخل لقى نسايم تصيح ونهى تصيح

ابو فهد:ارحمي شيباتي يانهى يكفي صياح والله ماصار شي خلاص واحد بداله واحد

ابو فهد بعد ماشاف انه لاجدوى منها طلع ومن بعد هالحدث عاشت نهى اقسى لحظات حياتها


_*_*_*_*_*__*_*_*__**__*

فهده ماسكه مخدتها وتصيح

رامي:خلاص فهوده ليش الصياح

فهده:حمد مسيكين مارجع للبيت ونهى ماتبي تفتح للاحد(شهقت) وانا وش اسوي

رامي:خلاص هذا نصيبهم اكيد هم بيفهمون

فهده:انا وعبدالعزيز بيصير فيناكذا

رامي:لا ان شالله خلاص ترى مو ناقصينك صياح بكل مكان
_*_*_*_*_*_*_*_*_*_*_*_*_*_*_*_*_*_*_*_


بعد هالكلام بشهر زواج العنود تم بسرعه وبختصار عشان عمهم هذال مايخرب شي ولان احوال العائليه ماتسمح بالفرح الكامل ملكه فهده وعبدالعزيز

عبدالعزيز:كان فرحــــان طـــــاير من الفرحه مو قادر يمسك نفسه وده يرقص

حمد:فرحان لاخته بس الفرحه ناقصه ونفس الشي نهى كانت فرحانه بس لااسف الحزن مغطي فرحتها

جا الوقت اللي يدخل عبدالعزيز دخل لبسها ولاحظ انها ماتبي تشوفه بس ماهتم حيا براسه مايدري وش سر هالحركات طلعو من الصاله الداخليه طلعو برى فهده عيونها محمره ومكتمه وعبدالعزيز مستغرب وش فيها

عبدالعزيز اول مادخلو:فهده وش فيك ليش عيون كذا سفهتهةوصدت بنظرها على جنب

عبدالعزيز مسك يدها:اسال باللي خلقك وش فيك

فهده تبكي:ليش ماقلت لي انك خاطب نهى قبل

عبدالعزيز تفاجئ الموضوع ومايدري كيف يبرر لها

فهده:كنت تبيها ويوم رفضتك قلت اخذ فهده وماعرف الا قبل ملكتي بساعه لا والله ونعم الزوج ماتوقعتك كذا

عبدالعزي:فـــــــهده لاتضلميني تكفين افهمي السالفه ابوي وعمي اتفقو ولا انا ولا نهى نبي بعض انا مابيها حتى تطاقيت مع ابوي عشاني ابيك ومسك يدينها الثنتين والله اني بعمري مابغيت غيرك

فهده:ليش ماقلت لي

عبدالعزيز:وشلون وانا توني مملك عليك

فهده:صح خلاص

عبدالعزيز:خلاص ايش

فهده:انسى السالفه

عبدالعزيز:تدرين ياما حلمت بهاللحظه ولاتوقعت ادخل عليك ونبدى حياتنا كذا

فهده:اسفه بس حط نفسك مكاني

عبدالعزيز:خلاص ماعليك قدامنا عمر بطوله ان شالله نعيش

فهده:ان شالله

عبدالعزيز:بخاطري كلام كثير بس ماراح اقوله الحين يبيلنا جلسه بتصل فيك

غهده:عندك رقمي

عبدالعزيز:من زمان من سنتين وهو عندي

فهده:الله سنتين

عبدالعزيز:مو قلت لك ورانا سوالف يالله تصبحين على خير لاتنومين بتصل عليك
فهده ببتسامه:ان شالله

حمد عند الباب:انجاز طلعت كامل

عبدالعززيز:اشوفك تقول شي عنها اوريك

حمد:افا تزوجت ونسيتني اوريك يالخاين

عبدالعزيز:نشوفك ان شالله

حمد اكتئب:الله لايقوله

عبدالعزيز ندم ويبي يغير السالفه:نروح للشياب

حمد:يالله

_*_*_*_*_*_*_*_*_*_*_

عبدالعزيز يتصل

فهده:هلا

عبدالعزيز:هلا وغلا شخبارك

فهده:تمام شخبارك انت

عبدالعزيز: دامك بخير انا بخير اكيد

فهده بعد صمت دام بينهم للثواني:وش هي سوالف اللي تبي تقولها

عبدالعزيز:اسمعي وقام يسولف عن مشاعره والمواقف اللي صارت بينهم




_*_*_*_*_*_*_*_*_*_


بعد هالكلام بثلاث شهور

نهى:قلت لا ليعني لا

ام فهد:ليش

نهى:مابي اتزوج

ابو فهد:لاتغصبينها

ام فهد:الا بغصبها ليش ترفض

نهى:مابي اتزوج مو حرام مو غصب

ابوفهد:انتي فكري وبنشوف بكره

جلست نهى بصاله وهي كارهه عمرها

مروان:ســــــلام

نهى:هلا

مروان:افا وش السالفه

نهى:اهلي يبون يزوجوني غصب

مروان:طيب وش فيها ليش رافضه يعني وكيف ليش رافضه انتي ايش العيب اللي فيه

نهى ماعرفت شتقول ماعندها سبب وجيه

مروان:ترى نهي خذتي راحتك وانتي تردين اولا وثانيا دكتور فواز ماشالله عليه مافيه عيب

نهى:وش دخله

مروان:هو اللي خطبك يالفالحه

نهى طلعت عيونها:كــــــذاب

مروان:ليش اكذب اخوه ناصر خوويي وقايلي عن السالفه

نهى سكتت ماعندها شي تقوله بنظرها ماعاد تفرق مره

مروان:اذا عندك سبب مقنع رديناه اذا لا مالك حجه وبعدين اللي صار ياما صار وتاثرو فيه ناس كثير نهى الحياه تمشي تتوقعين كل هالناس اللي عايشين ومكملين حياتهم ماعمرهم واجهو شي شوفي ياما وياما ناس شافت الويل ومكملين انتي ليش هالسلبيه ساكنه جواك

نهى:مروان ماقدر انسى

مروان: طيب انتي ماتقدرين تنسين ولى متى بيجي يوم وينسى هو وبيتزوج صدقيني المعادله واضحه اذا عندك شي ملموس يمنعك ماراح احد يقول شي بس كذا اسمحيلي هذا مو تفكير

نهى:انت وش رايك

مروان: انا ماعندي راي بهاسالفه بس اتمنى تفكرين بعقلك قلبك اسفيه شوي انسيه لو الكل يتبع قلبه كان محد كمل حياته

نهى:طيب

_*_*_*_*_*_*_*_*_*_


في بيت الخال سعد

مشاعل:وليد تعال عند ماما

ام ياسر:ولدك ذا عجل اول طفل يمشي وماكمل السنه

مشاعل:طالع على ابوه عجل الله يهديه

مشاعل:الاماقلتي لي ياسر مو ناوين تزوجونه

ام ياسر:الا وهو ماعارض بس طلاباته مالقيتها يبي وحد بشوكه وسكين واتكيت ومدري وشو

مشاعل:ههههههههههه والله ولدك الغربه ماخذه نصه

ام ياسر:ايه الله يعين

مشاعل:يمه ايش رايك بساره والله انها وش حليلها ومن طقته
ام ياسر :انتي معها بالبيت وش رايك فيها


مشاعل:ماعليها كلام وتنفع للياسر كانها مفصله له

ام ياسر:بقولع ولو اني عارفه رد يسور هذا مايندرى وش تحت راسه

الا وياسر داخل:وش فيه يسور

ام ياسر:نبي نزوجه

ياسر:ياربيه وانتم شادين حيلكم فيني بس

ام ياسر اا:المهم لقين لك بنت سنعه

ياسر:اذا كانت السالفه فيها جهير ونوير اسف

ام ياسر:لأالا مافيها هذي من ربعك

ياسر بعدم اهتمام:مين؟

ام ياسر: ساره بنت ولدعمتك سلطان

ياسر التفت بغت رقبته تنكسر"هاه

مشاعل:وشو هاه وش قلت اوكي ولالا

ياسر:اوكي

ام ياسر:صادق لاتخف علي

ياسر:والله ونعم البنت ماعليها كلام

ام ياسر:واخيرا طلعت احدونعم فيها عندك

ياسر:هههههههههه الاوين زوجك

مشاعل:معزوم

ياسر:زين انا بروح اخذ شاور وابي اكل جووعاان

ام ياسر:بس ابشر بالغدى السنع

ياسر:عن اذنكم


_*_*_*_*_*_*_*_*_*_*_

نواف:نــدى ارحميني يكفي نايمه طول الوقت

ندى وه تتثاوب:واللله فيني النوم ماقدر

نواف: شكلي بذبحه هاللي بطنك

ندى:مايهون عليك اصلا

نواف:يارب متى يطلع ويفكنا

ندى:ياحليله خله ياخذ راحته

نواف:اقول شكلي انا اللي بنوم ابرك لي


ندى:جتك العدوى هههههههههههههههههااي

نواف:اقول تصبحين على خير

_*_*_*_*_*_*_*_*_
يوم الجمعه بعد الصلاه الرجال مجتمعين ببيت الجد

الجد يكلم ابو حمد:والله انا ودي ابيع الجمس خرابه كثير و

حمد:ايـــــــــــش والله ماتبيعونه

فهد:على هونك جمس مو ديل واحد من قدمه

حمد:هذا جمسي والله ان بعتوه الله وعلم وش بيصير فيني

الجد:ان شالله بخليه على شانك بس

حمد:اشوى

ابوفهد:اقول يبه ترى في واحد متقدم للنهى ووافقنا عليه

الجد:عساه رجال سنع

ابو فهد:افا عليك اكيد

عبدالعزيز التفت للحمد حمد كان مذهول وعيونه مركزه على عمه يكت حاول يلملم نفسه لحد ماطلعو رجع للبيت من دون اي كلمه

رجع مروان للبيت ولقى نهى جالسه

مروان:هااااااي

نهى:هللا

مروان:مبروك وافقتي

نهى كان مو موضوعها:الله يبارك فيك

مروان:فاتك وش سوى حمد

نهى راح فكرها على الخطبه بلغت ريقها:وش سوى

مروان:جدي قال ببيع الجمس طب في نص الصاله مايبيهم يبيعونه هالولد عليه طلعات غريبه نهى سكتت ولاقالت شي راحت لغرفتها حاولت تمنع دموعها بس موضوع مستحيل قطع عليهارحله الحزن صوت الجوال

حمد بصوت مبحوح:مبروك

نهى تبكي:لاتقول مبروك لاتبارك لي تكفى

حمد:خلاص يانهى هذا قدرنا لازم نكمل عيشتنا لومو عشانا عشان اللي حولنا ارجوك يانهى كملي حياتك وقال وهو يداري دمعته انا بعد خطبت

نهى تفاجئت:صدق

حمد:ايه

نهى:مبروك

حمد:الله يبارك فيك بقولك اول بنت تجيني بسميها نهى انا من اليوم ورايح ابو نهى

نهى تركت مجال لدموعها توصف شعورها حمد قطع الخط وكانه رسم نهايه للاهم مرحله بحياته

نهى كملت بكيها فتحت دفترها الي انرسمت فيه انواع معانتها بالفتره الاخيره:

(ثــــــاري)

تمنيت الزمن يوقف عشان اخذ منه ثاري وتمنيت الوقت يوقف عشان اشوف فيه احوالي تمنيتك بلحظه ومالقيتك مو منك من زمان قاسي ونـــــاس اقسى تمنيت الليل يطول عشان احكيله عن اللي في بالي واقوله شوف ياليلي كــيف حرمت علي نومي ومانمي شوف الدنيا كيف تسير وكيف تسير ورحت وترك الدنيا ليلي واخذه ثاري من زماني واغمض جفني واعود للمنامي
للامــــانه للكاتبه المبدعه:مـــلح الحياه

بكت وكملت البكي الا ان نامت

_*_*_*_**_*_**_*_

نسايم:فهد لي متى بتم على هالحال

فهد:اي حال
سايم:فهد لي متى بتم على هالحال

فهد:اي حال

نسايم:يعني ماتدري

فهد:اااه انتم وش تبون فيني يوم ابي اتزوج بتزوج محد رادني

نسايم:محد رادك بس انت مو ناوي

فهد:لاحول ولاقوه الا بالله دخلت ام فهد

ام فهد:منى عيني اشوفك واشوف عيالك لاتخليها بنفسي تكفى

فهد يبي يسكتهم:يصير خير بروح للغرفني راح للغرفته يشكي همه وحزنه واهله اللي بيجبرونه على الزواج اذا مو الحين بعدين::








_*_*_*_*_*_*_*_

حمد اول ماعرف ماسكر تنهد وراح للامه

حمد:يمه

ام حمد:نعم

حمد:ابي افاتحك بموضوع

ام حمد:نفضل قو ياوليدي لا يردك شي

حمدوهو يحس بحرقه:يمه بتزوج

ام حمد عارفه السبب اللي خلا ولدها يطلب الزواج: ابشر اشر انت بس واللبنت تجي لين عندك

حمد:ابي اي وحده مانعرفها ولامن قرايبنا

ام حمد:ان شالله بشوف لك

حمد:يمه استعجلو لاتتاخرين

ام حمد:ابشر راح وهو بطريقه للغرفه سمع فهده تضحك

حمد دخل بشويش وعرف انها تكلم عبدالعزيز


فهده:لالا تجي اليوم بكره احسن

حمد:لا يجي خير شر هاتي السماعه

فهده:لا

حمد:جيبيها اقولك

فهده:منيب زوجي وش تبي

حمد:كبر راسك عبدالعزيز اللله يادنيا بس اطلع احسن لي


فهده:مسيكين

عبدالعزيز:لاتقولين مسيكين سوسه ماعليك منه...ألمهم وش كنا نقول وش صار على موضوعنا

فهده:مدري بكره احسن

عبدالعزيز:[بكره بس بشرط اجيكم بعد اذان الظهر

فهده:وش يجيبك بالقوايل

عبدالعزيزز:خلاص منيب جاي خير شر

فهده:خلاص عبدالعزيز تعال الفجر اذا تبي

عبدالعزيز:حرمتي شاطره اوررررريه الكلب

فهده:وش فيك

عبدالعزيز:حمد قاعد يتصل علي كل شوي

فهده:ههههههههههههههههههههههههههههههههههههههه

عبدالعزيز:ضحكي ضحكي متي اتزوجك والله اوريك شغلك بس

فهده:عبدالعزيز اجل سوالفنا بعدين معي نهى خط

نهى:ألو

فهده:هلا وغلا

نهى:عرفتي اني انخطبت

فهده:وشششششوووووووووو متى وكيف وليش

نهى:اليوم بس طلعت نتائج التحليل

فهده بكت:مبـــــروك

نهى بعد تنهيده:ألله يبارك فيك

فهده تحاول تعدل الجو:ومن سعيد الحظ

نهى:هههههه مارح تصدقين

فهده:مين

نهى:الدكتور فواز

فهده:كذابــــــــــه

نهى:هههههههههه واللــــــه

فهده:حركات اثاريه عاشقك وانا ماندري

نهى:الله يقطع ابليسك خلاص خطبني

فهده:متى الملكه

نهى:مدري ماسالت

وجلسو يسولفون وبعدين سكرت نهى وفهده حست براحه لان مبين على نهى انها مقتنعه صحيح حزينه بس راضيه وهذا المهم


_*_*_*_*_*_*_*_*_*_*_


فهده:يمه من بتخطبين له

ام حمد:مدري بس بشوف بنت ال ... جيرانا اول اذا ماشيه اوكي

فهده:يمه ترى عبدالعزيز بيجي بكره

ام حمد:ياذا العبدالعزيز قاطع قلبك

فهده:يمه عادي حلالي

ام حمد:مافي شي اسمه حيا ولا ماعاد يوجد

فهده:ههههههههههههه تلقينه بالوكالات الاصليه


_*_*_*_*_*_*_*_

ملكه نهى وفواز

نهى من قامت وهي تبملم بنفسها كانت تحس بضياع والشتات ماتدري ليش قامت وبدت رحلتا اليوميه تحت اشراف نسايم اللي مابقىشي ماامرت فيه

اما من جهه حمد كان يداري حزنه مايبي يضعف واذا ماجا بالملكه هالموضوع بيصيرببال نهى انه زعلان وهو مايبيهاتفكر فيه وهي بذمه رجال ثاني نهى جت توقع على دفتر كانت تحس انه بعيييييد وانالقلم ثقيل ماتسمع كلام فهد اللي كانن يقوله وقعت وهي ماتدري كيف بكت بحظن امها اللين خلصت الدموع وراحت فوق تعدل شكلها اللي اخترب من البكى نزلت وجلست الكل يسلم عليها فرحت بس الفرحه المجروحه الغير كامله جو اهله وسلمو عليها وهي كانها اله تجاوبنفس الجواب والابتسامه المصطنعه اللي رسمتها بعد زفه محترمه من نسايم فواز رفض يدخلعند الحريم وطلعت للمجلس هي وامها هناك

دخل فواز وعلى وجهه ابتيامه نهى نست كل اللي مرت فيه لما شافته داخل ماتدري ليه يمكن شعورها بالفرحه ردت السلام لبسها الطقم اللي كان من اختياره طلعو وتركوهم على راحتهم

فواز:مبروك

نهى:الله يبارك فيك

فواز:وش فيك تعبانه


نهى:لا بي مانمت امس زين

فواز:تفكرين فيني

رفعت نهى عيونها له (واثق) فضلت السكوت وعدم الرد قام يسولف ونهى ساكته طلع من عندها بعد مااخذ رقمها وهي ساكته كانت تحس بانشراح بصدرها ماتدري ايش السبب دخلت ندى وفهه

فهده:هاه بشري

نهى ابتسمت من قلب هالابتسامه من زمان ماايتسمتها

نهى:تمام

ندى:اشوى مبروك

نهى:االله يبارك فيك

ندى:شوفي انا اختكولازم تحترميني مافي زواج الا بعد ماولد

نهى:كم بقيلك

دى:ثلاث شهور

نهى:اوكي اذا مذا ماشي

فهده:زاجي بعد اسبوعين بتزوجملك الحنان

نهى:ايه اول لوح والحين ملك الحنان

فهده مسكت:المخده موحرام عليك كنت عميا ماشوف وفتحت والله لو مانك توك متزوجه كان عــــلوم

نهى:هههههههههههههههههههههههه

فهده:من وين شريتي فستانك مره ناعم وكيوت ابس مثله


ندى:ماخلصتي جهازك

فهده:الا بس للملكه حمد

نهىحست بشي جوى رايها انقطع كانفي سلك انقطع براسها ابتسمت وقالت:مدري ايش سمه تعرفين شارع العليا العام وقامت توصف

وفهده:ماتدري ايش المكان همها ان نهى تخطت مرحله حمد وحمد بعد بدى يحاول

_*_*_*_*_*_*_*_*_*_*__*_*

ببيت الخال سعد

مشـاعل:لاااااااااااااااا مستحيــــل

سلمان:ألفرحه تسوي اكثر

ياسر جا بعد الصرخهة:وش صاير

سلمان بكل فرحه:مشاعل حامل

ياسر ماصدق:لرنب مو مره وليد توه ابو 10 شهور وين تحملين

سلمان:لأاتخربها خلنا فرحانين

مشاعل:لالا ياربي مابي احمل

سلمان:احسن انا ابي لي ذريه

ياسر: مو زين لك تحملين ورى بعض

سلمان:أنت اسكت لو بيضر كان ضر اهلنا خلها بس بنجيب اخو للوليد

ياسر/الحمدالله

سلمان:الا ماقلت لي انك خاطب ساره

ياسر:ليش اقولك

سلمان:انا عمها بنت اخوي بطلع حرتي فيك يوميني انا ومشاعل متملكين مانساها

ياسر:هههههههههههه

مشاعل:هذا همكم

ياسر:خلاص حملتي وش بنسوي لك

_*_*_*_*_*_*_*_*_*_

زواج فهده وعبدالعزيز

عبدالعزيز متشقق وفهده على قوتها خايفه وحالتها حاله حمد ملك على وحده من معارف امه اسمها دلال

فهده:خلاص هوت يمه مابي اتزوج

ام حمد:اها بس بلا هبال

نهى:خلاص ريحي ماراح يصير شي ملك الحنان ولا نسينا


فهده:سخيفه روحي شوفي مسكتي

نهى:انا بفهم مجوعينك يومك تحطين كل الديكور تفاح وليته تفاح احمر حقنا اخضر

فهده:وش دراني امي تقول الموضه بس حركه

نهى:حتى المسكه ثلاث تفاحات والله انك شي

رهـف:سلللااااااااااام

نهى:رهوووووووووووووفه هلا وغلا راحت لمتها الحمدالله عسلامه وش هاذا

رهف:ولدي اللي مابعد طلع نسيتينا العروس:مبروووووك

فهده:الله يبارك فيك

رهف:وينك ياعبدالعزيز تشوف فهده اللي ياما خبطت وسببت لك عاهات

فهد:قديمه غيرنا هالعاده من زمان

تم الزواج على اكمل وجهه وفرحة الجميع لاتوصف
_*_*_*_*_*_*_*_*_

ازعجهها الجوال وهي امس سهرانه تكلم فوزا شافت الساعه 6 ياربيه من ذا المزعج نواف وش فيه

نهى:الو

نواف:نهى قومي خالتي تجينا للمستشفى بسرعه ندى تولد

نهى قامت تتخبط طقت على امها الباب

نهى:يمه يمه

ام فهد:فتحت الباب:وش فيك اسم الله عليك

نهى:ندى بالمستشفى بتولد

ام فهد:ايـش بلبس

ام فهد:عبدالرحمن قوم ندى تولد

ابو فهد:نعم مو مستوعب

ام فهد:ندى بالمستشفى تولد بنتنا تولد ققووووووم

ابو فهد:هاه طيب

طلعت نهى وهي تدعي للندى

فهد:وش فيكم

نهى:ندى بالمستشفى تولد

فهد:لااجل بروح لهم

نهى:لا بجي معك

فهد:طيب بسرعه والشياب

نهى:هههههههه خلهم على راحتهم

فهد:طيب بسرعه

راحت نهى وفهده قبل اهلم لقو نواف رايح جاي وشكله مبهذل وحالته حاله

فهد:وش الاخبار

نواف:مدري ناس طالعه وناس داخله الله يستر

بعد نص ساعه جت ام فهد وابو فهد:

ابو فهد متورتر ويذكر ربه بكل دقيقه

نهى بدى التوتر يسري بجسمها لانهم طولو مره

طلعتا لنيرس وشكلها تعبت من جد

النيرس:مبروك من جوزها

نواف:انا

النيرس:مبروك تؤام ماشالله


نواف:هاه

النيرس:تؤام

نواف:طيب وزوجتي

النيرس:مرات حضرتك تمام التمام

نواف سكت جلس يجمع افكاره

فهد عطى النيرس المقسوم

فهد:مبروك

نواف:تؤام ندى جابت تؤام

فهد:مبروك

ابو فهد:مبروك ياوليدي

ام فهد:تؤام بنات ولا اولاد

نواف:تصدقين مدري

نهى:ههههههه بروح اسئل راحت تمشي وشافت فواز

نهى:سلاااام

فواز مستغرب:هلا وغلا

نهى:شخبارك

فوزا:بخير مانمتي من بعد امس

نهى:ساعه من عقب ماقفلت وبعدين جيت هنا

فواز:خير في شي

نهى:ندى ولدت

فوزا:مبررروك وعقبالنا واخيييييييييرا بعني نقدر نحدد الزواج

نهى:مو وقته الحين بس انا بسال ايش جابت

فوزا:ماطلعت لكم النيرس

نهى:الا بس ماعرفنا

فواز استغرب:كيف

نهى:ههههههه قالت تؤام وراحت ماندري عنها

فواز:اها هههههههههه فهمت الحين دقيقه بسال لك راح شوي ورجع وقال بنت وولد

نواف:الله يعيني

ابو فهد:ربي بيعينك ان شالله

مروان:من يصدق ندى يطلع منها اثنين

نواف:هييييه تسب حرمتي استحي على وجهك وبعدين هي والده مو بوقتها

مروان:خلاص سكتنا

نواف:اجل اماراح نحضر زواج حمد


مروان:انا بحضر

رجعو للبيت والعصر زحمه ناس طالعه وناس داخله ونهى نايمه بالبيت ماقدرت تقاوم اكثر نامت من الساع0 الا اذان المغرب ماكنت ناويه تصحى بس الجوال

نهى:الو

فوزا:يانوامه قومي

نهى:حرام عليك توني نايمه

فوزاك:وش قعدتي تسوين مانتمتي

نهى:ماسويت شي جيت ونمت

فوزا:هههههه قومي اذن المغرب

نهى: والله

فوزا:بكذب عليك يعني

نهى:لأابس تاثير النوم انت نمت

فوزا:ايه بس احسن منك انا لي نص ساعه صاحي

نهى:طيب ليش تقومني خليني انوم

فواز:توني ادري اني متزوج وحده ماتعرف الواجب امي والهنوف<<اخته يبون يروحون للندى

نهى:ايه وتبي تشوفني

فواز:لا من قاله مابي اشوف وجهك بس ابيك تجين معي عشان يقولون داخل مع مرته

نهى:÷هههههههههههههه عليك افكار بروح اشوف الاجواء وارجع لك بايو

فواز:كم مره قلت لك اتركي شغل المراهقين وش باي قولي فمان الله مع سلامه

نهى:سي يو تنفع

فواز:أقول مع السلامه

نهى راحت هناك مع جدتها وشافت فواز دخلت معه على طلبه وراح بالممر


_*_*_*_*_*_

عبدالعزيز وفهده

عبدالعزيز: ماشالله نواف جاه عيال عقبالي ان شالله

فهده:انسى ماراح احمل الا اذا خلصت الزواجات تبي جسمي يخرب

عبدالعزيز:وش تبين بجسمك متزوجه وش عليك من خلق الله

فهده:لا تبيني اطلع مثل رهف بزواجك دبتها قدامها لالا

عبدالعزيز:يالله انك تصبرني بعد زواج ياسر ان ماحملتي بتزوج عليك

فهده:هاه لالا هونا


غبدالعزيز:صدقتي وانا اقدر اتزوج عليك

فهده:ياسخيف خرعتني اقولك مشي ورانا طلعه



_*_*_*_*_*_*_*_*_

زواج حمد الكل تووقع نهى تكون زعلانه او متضايقه بس اللي مبين انها مره فرحانه له ولا همها شي كان الموضوع عادي بالنسبه لها لانها حست ان ربي عوضها من غالي باغلى وحمد كان فرحام لان ربي رزقه بزوجه الكل يحلم فيها تم الزواج علىاكمب وجه

وبعده بمده تزوجت نهى وكانت اسعد انسانه

بزواج ياسر وساره


(ندى ونهى وفهده ورهف رايحين للصالون مع بعض)

نهى كانت تصلح شعرها فجائه حست بنعاس غريب وهدت مره وحده

الكوافير:خلصنا مدام

نهى:........

الكوافير:مدرام صرخت


ندى:وش صاير

الكوافير:مابتتحرك

ندى:ايـــش راحت لها

ندى:نهى نهى قومي

نهى:امممم

ندى:وش فيك قومي

نهى فتحت عينها بصعوبه وتذكرت وين هي:كم الساعه

ندى:6 وش جاك

نهى:بس جاني النوم شوي

ندى:طيب صلحي مكياجك بسرعه مايمدينا بتزعل ساره علي تاخرت

نهى:طيب

فهده:تعالي ضفي بنتك

ندى:ورد تعالي عند ماما

(ندى سمت بنتها ورد وولدها خالد على اسم ابو نواف)


رهف:ياويلك من ربي بس وش حاطه مزرعه بشعرها

ندى:ماعليكم مني خلوها

رهف:ياحسره على بنتي مسيكينه من احط براسها شي ترميه على طول

ندى :طالعه على امها

رهف:حرام عليك ياويلك من ربي بس انا كلي نعومه

فهده:اشك والله احس ان فارس انعم منك
رهف:اقول خلنا ساكتين من يتكلم فهده زوجه عبدالعزيز

فهده:افحمتيني

نهى:من بيودينا

ندى:انا قلت للنواف عشانه بيجيب خالد معه


نهى:أوكي طيب

فهده:اخر زواج هالسنه ان شاالله

نهى:ليش

فهده:عبدالعزيز بيني احمل وانا معيه عشان الزواجات

نهى:صاحيه

فهده:ايه

نهى:الحمدالله ياربي بس

ندى:جا نواف

طلعو وركبو مع نواف

نواف:وش هذا وش مسوين بورد

نهى:ملبسينها ورد


نواف:ندى اوريك تبين تخربين بنتي شيلي هالحديقه اللي براسها

ندى:لأا والله انك ماتشيلها وخر يدك خلها تجنن

نواف:الحمدالله مدري ذكرت الحشرات من وراك

ندى:ياويلك من ربي بس ملاك تجنن

نواف:والله حاله

_*_*_*_*_*_*_*_

راحو كان كل شي بالزواج رسمي يعكس شخصيه العروسين

انتهى الزواج ونهى كل مالها وتتعب الساعه 2 طلعت من الزواج

فواز:غريبه وش فيك طالعه مبكر

نهى ماتبي تقلقه:مافيني شي ودي انوم

فواز:وانتي بس تنومين هذا شغلتك

نهى: شسوي فيني النوم

فواز سكت عنها لان شكلها فيها النوم من جد راحت البيت تسحبت ووصلت الغرفه بعد عناء ونامت على طول


بصبح فوزا صحى نهى

فوزا:قومي حشى ماصار نوم

نهى:ياربيه ابي انوم

فواز:قومي بنطلع

نهى:وين

فوزا:بس هذا انتي ماتصحصحين الا على طاري الطلعه ماراح اقولك قومي

نهى انصاعت للاوامر مالها غير الانصياع بدلت وطلعو وهم بسياره

نهى:ماراح تقول وين

فواز:لا ماراح اقول

نهى:اذا صار مايستاهل بهالقوايل وش اسوي بك

فواز:الا يستاهل وبعدين ليش ماقلتي انك دايخه امس

نهى:اننننااااااااا من قاله

فواز:ماتدرين يعني امس بصدفه عرفت من ندى اختك ليش ماقلت لي

نهى:نصابه ماعليك منها انا اصلا نمت خذت لي غفوه سريعه

فواز:بعد انا لازم اعرف وش سالفه النوم هاذي

نهى:كيف

فواز:وقف عند المستشفى:انزلي يالله

نهى: ليش

فواز:بتعرفين

نهى:فيه احد

فواز:لا مافيها احد الكل بخير بس ابي اتاكد من شي

نهى:طيب نشوف

بعد وقت

فواز:مثل ماتوقعت مبرووووووك

نهى مو مستوعبه ولاتدري الفروض تضحك وتفرح ولالا

نهى:حامل

فواز:باشهر الثالث مدري كيف ماعرفتي

نهى:هههههههههه والله مدري

فواز ونهى رجعو لللببيت وبشرو اهله بعدها انسحبت نهى

نهى:الو

فهده:الحقي علي

نهى:انا اللي الحقي علي

فهده:وش فيك

نهى:انت اول

فهده:طلعت حامل

نهى:وانا بعد

فهده مصارخ/يارب نجيب بنات ولااولاد عشان يصيرون مع بعض

نهى قامت تضحك من الفرحه وفهده تسولف وتتخيل دخل عبدالعزيز

عبدالعزيز:ياويلك ان كنتي تكلمين نهى

فهده:هههههههه ايه حرام عليك

عبدالعزيز:بشري امك اول ويصير خير


فهده:طيب نهى اكلمك بعدين

نهى:باي


_*_*_*_*_*_*_*_*_*_


انتشر خبرلهم ووصارت شي انهم مع بعض


بعد خمس شهور كان بالمخيم وبرد مره

نهى وفهده متسدحات دخلت عليهم دلال زوجه حمد

دلال:الله يعينكم قولو امين

نهى:امين

فهده:نهى تدرين ودي احضر نفاسك

نهى:وشلون بنولد مع بعض

فهده:مدري حليها انتي

نهى:هههههههههههههاااااااااااااااااااااااااااااااي


فهده:وش هالضحكه

نهى:ااااااااي بطني الحقيني

دلال: يمه بتولد

فهده يالله تشوف من كرشتها:لأالا وشلون

ندى خذت شال لانو برد تغطت فيه

ندى:فهد فهــــد

فهد:خير ان شالله

ندى:نهى بتولد

فهد:هاه وش اسوي

ندى:نادي فواز بسرعه

دخل فهد وهو يتخبط ماعنده سالفه وكالعاده لقى فواز وياسر روسهم ببعض ويسولفون

فهد:فـــــواز الحق نهى بتولد

فواز: هاه........(بدى يتوتر)وش اسوي

ياسر:فواز خذها للمستشفى بسرعه الطريق بعيد

خذوها وهم بيروحون فهده يالله تمشي انا برح معها مالي شغل

عبدالعزيز:انهبلتي تبين تولدين معها

فهده:تصيح حرام عليك هذي نهى بروح معها

عبدالعزيز عرف انها خلاص نشفت راسها:طيب بس بجي معك
وراحو وبعد مده ولدت بعد تقريبا ثلاث ساعات

ام فهد:وين نهى

نسايم:جوى نايمه

ام فهد كانت حاسه وهم ماقالو لها شي

وندى رايحه جايه تبي تتصل بس ممافيه ارسال

فواز:اتصل عليهم بس مايوصل بعد محاولات اتصل على حمد اللي كان بالمحطه ووقدر يوصل مععه


فواز:واخيرا مبررررروك علي جا حمد

حمد شرق :من حمد

فواز:حمد نهى ولدت وجابت حمد

حمد:الحمد الله عسلامه يبيلنا اجل سماوه

فواز:خيرك سابق بشرهم

حمد:ليش سميته حمد

فواز:على اسم الوالد ونهى عاجبها

حمد:اها طيب ببشرهم

فواز:ليش الباقين مايعطي ارسال

حمد:انا بالمحطه مو معهم رايح اشتري حليب للنهى<<بنته

فواز:اها طيب بشرهم


_*_*_*__*__*___

انتشر الخبر

الجده:هذا الزين زوجها يولدها

ندى شرقت:زوجها دكتور عضام ليش يولدها

الجده:هماه دكتور خلاص يكفي

ساره:الله يهديها امي ساره حايسه الدنيا بكيفها

ندى:اي والله ترى اليوم بنرجع

ساره:احسن برد هنا جمدت

ندى:صادقه

_*_*_*_*_*_*_*_

مرت الايام والكل عايش حياته الا فهد

ام فهد:خلاص انا قلت لك موضوع منتهي لي متى بتصك الثلاثين حرام عليك

فهد مل منهم:بكيفكم

ام فهد:واخيرا مابغيت بدق على نسايم اشاورها

فهد:يمه تكفين لاتخطبين لي هنادي

ام فهد:ليش وش فيها

فهد:بس واحسن ماتكون قريبه لنا خير شر

ام فهد:ليش

فهد:بس انا مابي قرايب من الاول

ام فهد:خلاص بشوف

طلع فهد والموضوع صار اكثر من عادي عنده لانه يحسه مجرد كلام يسكتهم فيه بعد فتره قالت له امه انها لقت بنت وراح خطبها راح بوجه ورجع بوجه ثاني كان فرحان حيل يحس القدر ضحك له من جديد فرح واستبشر

وكمل موضوعه على اكمل وجه

_*_*_*_*_*_*_*__
بعد زواج فهد باربع سنيــــن

نسايم:حملت وجابت ولد وعايشه هي ونايف احلى عيشه لانها قدرت تكسر الحواجز اللي بينهم
***
ندى:مبسوطه على الاخير مع نواف والتوائم ورد وخالد مجننينهم ونواف مسكين بيموت يلقاها من الاولادالعصبين ولامن امهم العصبيه بس مبسوط عليهم
***

فهده:جابت ولد بعد نهى باسبوعين وحققت امنيه عبدالعزيز وعايشين دون اي اصابات


***

حمد: مرتاح ومبسوط مع زوجته اللي ربي وفقه فيها وعنده نهى وزوجته حامل الحين

***

نهى:تحمد ربها اكثر من مره في اليوم اللي وهبها واحد مثل فواز قدر ينسيها ويشيل منها جرح الي سسبه الزمن وعندها حمد ليال

***

فهد:حرمته بعدها حامل لانها بالاول ماكانت تجيب عيال بعد علاج حملت ومستانس معها ومازالت ذكرى رنا بباله

***
فارس ورهف:استمر بحياتهم وارجعو استقرو مع اهلهم وبين حبايبهم وجابو بنتهم معهم وفارس كان معارض انه يجيب عيال ورى بعض كان يخاف عليها

***

سلمان: عايش حياته وجيب للحين خمسه اربع اولاد وبنت شيبو بمشاعل وسلمان مبسوط عليهم

***

ساره:للحين ماكتب لها ربي هي وياسر شي مع انهم سليمين

***

مروان:يالله يمه فمان الله

ام فهد:فمان الكريم انتيه على نفسك وكل زين وتغذى

مروان:قالو لك بزر ابشري سنه وارجع لك الدكتور مروان بس هالسنه لازمه

ام فهد:الله يوفقك

سلم على اهله وودعهم

(مروان كبر وعقل عن هباله وراحت حركات المراهقه اللي معه)
***
مشعل: يمه عندي رحله ماراح اجي

ام عبدالعزيز:الله يهديك تعال

مشعل:على كيفي طياره مليانه خلق اقولهم ماراح اجي امي تبيني

ام عبدالعزيز:ان شالله بس عاد لاتطول علينا

مشعل:ابشري
***

ام حمد:رامـــــي قم عن هذا اللي احولك قم يالله

رامي:صبر اكمل هذي واجيك

ام حمد تسحب الالب توب وتفصله:اانا ماعندي احد من تزوجو اخوانك وانا ماعندي شي اسويه

رامي:دلال الله يهديها مالقت تطلع الا اليوم

دلال:الســـلام عليكم

رامي: هذا حبيبتك جت خذيها

ام حمد:هلا والله بنهوي حبيبتي تعالي عند جده

رامي:الله يعافيكم

جت نهى تلعب عنده وبيده شوكلاته

رامي:حمــــد شل بنتك لااقبرها هنا

حمد:خلها

رامي:هالوصخه علمها تغسل يدينها

دلال:حرام عليك تعالي نهى عندماما


نهى ضحكت وراحت للامه ماتدري وش السالفه

*****

وائل:يمه اتصلي الحين

ام ياسر:الله يجيبك ياطوله البال جيب التلفون

وائل:خذي وجلس عندها

ام ياسر:قوم وخر عن وجهي مدري ليش مرتز

وائل:بتخطبين لي حلم حياتي وتقولين لاترتز الا بقعد

ام ياسر:هههههههههه طيب

اتصلت وكلموهم وطبعا لازم وقت يفكرون بعد مده جاهم الرد بموافقه ناديه على وائل اول ماعرف ارسل لها هديه لانها كانت لسى متخرجه من الثنويه بنسبه 95%
******
بعيد الفطر بعد رمضان الكل مجتمع هناك ومروان لسى جاي وكانت لمه فقدوها لبعض من الوقت جالسين بصاله ومشغلين التلفزيون يطالعون فيه مسك مروان ريموت وقعد يغير حط على نجوم شوي وغير ومايدري الا بذيك العصى اللي جايته

مروا:أي من امي ساره للحين ماتبتي عن حركاتك

الجده:يوم الوسمي يجي وتغير<<مصيبه

مروان: وش فيه

وائل:مادريت ان امي ساره عشقت يوم رحت

مروان:صدق من

رامي:هذا

مروان:افـــــا


مشعل:مو بس هاذا الله يعافيك كل خالاتي حبوه مدري وش شايفين فيه<<<هـــذول خالاتي يحبونه

الجده:ماعليكم مننا

يوووووووووووووه
كمل وربي مرهالقصة خقاق
يله انافي انتظارها

مشكور يالغالي على الرد الاكثر من رائع
واقول لك هاذي نهاية الروايه اتمنى من الله انها نالت على اعجابك
من جد مدير رائع مشكور انت اللي محمسني

ياللــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه
من جد
قصة رووووووووووووووعه
والأكثر منها صاحبتها

تبغى الصدق في البدايه احس مافيه تحميس مافيه ردود من جد
تحطمت بس انت وسارونه اللي محمسيني
الله لايحرمني طلتكم
للمره الترليون مشكور يالغالي

يسلمو غناتي

كمليها ننتظرك..

انتهت حبيبيتي وهيه روايه نهايتها مفتوحه يعني باختصاااااااار اهم شي الابطال
والابطال مبسوووطين
يسلمو قلبي
يااحلى صديقه لي بالدنيا فديتك والله

والله بنسبة لي افضل النهايو المفتوحه
من جد الواحد يجط النهايه زي مابي
ثآآآآآآآآآآآآنكس

مشكور يالبراق
اسعدني ردك اتمنى المزيد والافضل للمنتدى

الله استمري
ومن حقك حياتي
تجين المشرفه
والبراااااااااااااااااااااااااااااااااق ما فيه مثله ...في التشجيع دمت مدير لنا ونحن بعز وفخر (..................)
والدلوعه بس عليها حركات؛؛

ثانكس عل الردود

حنووووووووووووووونتي قاريتها في مكان ثاااااااااني
بس لو ادري يالغلاانك بتنزلينها ماااااقريتها ابد
بس هي رووووووووووووعه قريتها3مرااااات